ကြာပီ

[Sunday, April 29, 2007]

ပြန်ပေးဆွဲခံထားရတဲ့ ဒုက္ခသည်စခန်းကြီးတစ်ခု

သူငယ်ချင်းအိမ်ကို အလည်သွားရင်းနဲ့ အမှတ်မထင်ဖတ်မိခဲ့တဲ့ ကဗျာလေးတစ်ပုဒ်ပါ။
ရိုးရိုးရှင်းရှင်းလေးနဲ့ ပြောချင်တာတွေကို ထိမိအောင် ရေးထားပါတယ်။
ဖတ်ပါ၊တွေးပါ၊ခံစားပါပေါ့....
ပြန်ပေးဆွဲခံထားရတဲ့ ဒုက္ခသည်စခန်းကြီးတစ်ခု

အဲဒီမှာ... ကလေးတွေအတွက် ....စာသင်ခုံတွေ အလုံအလောက်မရှိပေမယ့်
အလုပ်လက်မဲ့တွေအတွက် ဘိလိယက်ခုံတွေ အလုံအလောက်ရှိတယ်။

အဲ့ဒီမှာ... ကမ္ဘာကြီးနဲ့ ၀င်ဆန့်ဆက်ဆံဖို့ အင်တာနက်ကဖေးတွေ မရှိပေမယ်.
ကိုယ့်နွားခြေရာခွက်ထဲမှာ တကိုယ်တော်ရွက်လွင့်ဖို့ စည်ဘီယာဆိုင်တွေ ရှိတယ်။

အဲ့ဒီမှာ... အိပ်မက်တွေအတွက် မနက်ဖြန်မရှိပေမယ့်
ဒီနေ့အတွက် နှစ်လုံးထီရှိတယ်။

အဲ့ဒီမှာ... ရိုးရိုးကျင့် မြင့်မြင့်ကြံဖို့ ရောင်းကောင်းရောင်းဝယ် ဈေးကွက်မရှိပေမယ့်
ဒီကွေ့ ဒီတက်နဲ့ လှော်ဖို့ အပေါင်ဆိုင်တွေ ရှိတယ်။

အဲ့ဒီမှာ... (မရှိပေမယ့် ).............( ရှိတယ်)
ခေတ်မှီ တိုက်လေယာဉ်ကြီးတွေရှိတယ်...ကြံ့ဖွံ့ရှိတယ်...ဖယောင်းတိုင်ရှိတယ်။
ကြားကားရှိတယ်... ဂြိုလ်တုလောင်းကစားရှိတယ်။
ဘောလုံးနဲ့ ဘင်လာဒင်ကို ဘုရားစင်မှာ တင်ထားတဲ့ ဂျာနယ်တွေရှိတယ်။
ဖွင့်ထားတဲ့..ကြယ်ငါးပွင့် ဟော်တယ်ကြီးေးတွရှိတယ်။

ပြီးတော့...သေနတ်နဲ့ ပိုက်ဆံပေါင်းထားတဲ့ တရားဥပဒေရှိတယ်။
ရေဒီယိုနဲ့ ကောလဟာသပေါင်းထားတဲ့ မျှော်တလင့်လင့် နိုင်ငံရေးရှိတယ်။
စာပေစီစစ်ရေးနဲ့ ထောင် ပေါင်းထားတဲ့ စာနယ်ဇင်းလွတ်လပ်ခွင့်ရှိတယ်။

ပြီးတော့... ဗိုလ်ချုပ်ကြီးတွေက... အပီခိုးသွားတယ်...
လူအုပ်ကြီးတွေက...ဆီတိုးစားတယ်...
အမှားတွေ ပျောက်မလားလို့ တံတားတွေ ဆောက်ထားတာရှိတယ်။
မြို့ပြင်လယ်ကွင်းပြင်ကြီးထဲ ထုတ်ထားတဲ့ တက္ကသိုလ်ကောလိပ်ကြီးတွေနဲ့
ဆရာတွေ လက်ပတ်ဝတ် ကင်းစောင့်နေတဲ့ အေးချမ်းစွာပင်ညာသင်ကြားရေးရှိတယ်။

ပြီးတော့ ...အိမ်ထဲက... အိမ်ပြင်မထွက်ရဲတဲ့ လူတစ်ယောက်နဲ့
အိမ်ထဲက... အိမ်ပြင်မထွက်ရတဲ့ လူတစ်ယောက်ရှိတယ်။

ပြီးတော့ ... တရုတ်တန်းဖြစ်သွားတဲ့ နန်းတော်တစ်ခုရှိတယ်...ရှိတယ်............

3 comments:

Unknown | April 29, 2007 at 11:27 PM

ကဗျာကအရမ်းထိတယ်ကွာ..သိုင်းကယူးကြည်

ကြာပီ | April 29, 2007 at 11:33 PM

ကြာပီလည်း ဖတ်ပြီးကတည်းက ကြိုက်လို့ တောင်းထားတာပါ..ဘယ်သူရေးထားတာလဲတော့ မသိဘူး..

Unknown | January 3, 2010 at 5:42 AM

တရုတ်တန်းဖြစ်သွားတဲနန်ုတော်တခုရှိတာ်,,,,,
အင်းနော်,,,လူကြီးတွေရှက်တတ်ရင်
လဲသေလောက်တယ်