ထမနဲ ရက်စပီ

ကောက်ညင်းဆန် ၁ကီလို
မြေပဲဆန် ၁၅၀ ဂရမ်
နှမ်း ၂၀၀ ဂရမ်
ဂျင်း ၁လက်မခန့် တစ်တုံး
အုန်းသီးဖတ်တစ်ထုတ်( win yep or see woo မှာ ရတယ်။ Frozen တန်းမှာ ရှိလိမ့်မယ်)
မရနိုင်ရင်တော့ ဇာတ်နည်းနည်းရှုပ်သွားပီ။ အုန်းသီးဆံကို ဓားနဲ့ထုတ် ပြီးရင် အတုံးသေးလေးတွေ တုံးပြီး blenderထဲ ထည့်မွှေ။
အုန်းသီးတစ်လုံး(ကြှောပြီး ဖြူးစားဖို့)
ဆီ
hand blender

ပထမနေ့မှာ ..
ကောက်ညင်းဆန်ကို ရေတစ်ည စိမ်ထား
တခာတည်း မြေပဲဆန်ကို မီးအေးအေး ဆီနည်းနည်း (ထမင်းစားဇွန်းနဲ့ ၁ဇွန်း) နဲ့ ကြှော-၁ဝမိနစ်လောက် ကြှောရတယ်။ဆယ်ပြီး မဖြန့်ထားမိရင် အောက်က တူးသွားရော(အမေပြောတာ)
နှမ်းကို မီးအေးအေးနဲ့ မွှေးလာတဲ့အထိ လှောထား၊ ဿ ဒာလည်း ဖြန့်ထား
အုန်းသီးတစ်လုံးကို အဆံထုတ် (အဆံထုတ်တာ လွယ်စေချင်ရင် ၁ပတ်လောက် ကြိုဝယ်ထားလိုက်) ပားပားလှီးပြီး ဆီများများနဲ့ ကြှော အရောင်နည်းနည်းညိုလာရင် ဆယ်ပြီး ဖြန့်ထား

ဒုတိယနေ့....
ဂျင်းကို ပားပားရှည်ရှည်အမြှောင်းလေးတွေ လှီးပြီ
ဆီ အစိတ်သားလောက်နဲ့သတ် (၁လီတာဗူးရဲ့ ၄ပုံ၁ပုံခန့်)
မွှေးလာရင် ကောက်ညင်းဆန်ရေစစ်ပြီးထည့် ဆားနည်းနည်းထည့်
ကောက်ညင်းဆန်က ဆီနဲ့လုံးသွားပြီး နည်းနည်းကော့လာရင် ရေနွေးကို ဆန်မမြုတ် တမြုတ်ထည့်ပြီး အဖုံးဖုံးထား၊ မီးနည်းနည်းလျှော့(အဆုံးထိ မလျှော့နဲ့)
၅-၆မိနစ်လောက်နေရင် ကောက်ညင်းဆန်ပြော့လာလိမ့်မယ်။(မပြော့နိုင်သေးရင် ရေနည်းနည်း ထပ်ထည့်ခွင့်ရှိတယ်။)ပြီးရင် hand blenderနဲ့ ၁မိနစ်လောက် ကောက်ညင်းတွေကို မွေ့လိုက်၊ ပြီးရင် ဇွန်းနဲ့ သာ နာနာမွှေပေးပေတော့။
ရေကုန်သွားပြီး ကောက်ညင်းက နူးအိလာပြီဆိုရင် (ဆန်စိတွေ မပှောတော့ဘူးဆိုရင်) အုန်းသီးခြေထားတာတွေထည့်၊ နှမ်းထည့် ( ဆီလိုသေးရင် ထပ်ထည့်လိုရတယ်)။ မြေပဲဆန်ကို နည်းနည်းထု (အခြမ်းကွဲသွားအောင်)ပြီးထည့်။

မြည်းလို့ရပြီ။ ဒီတစ်မျိုးတော့ မကြာမကြာမမြည်းနဲ့။ လျှာအပူလောင်တတ်တယ်။ စားတော့မှ အုန်းသီးကြှောဖြူးထည့်။

ဒှောရှိလက်သစ် ဒှောသိ ရဲ့ ထမနဲ ရက်စပီ ဿဤတွင်ပြီး၏။

အကြော်စုံ

မနေ့က အကြော်စုံလုပ်စားဖြစ်တယ်။ ရှိတဲ့ အသီးအနှံနဲ့ စုံအောင် ကြော်လိုက်တယ်။
ရုံးပတီသီး၊ ခရမ်းသီး၊ မြင်းခွာရွက်၊ တိုဟူး၊ ပုဇွန်ဆိတ်ကြော်တို့ပါ။
အမှုန့်ဖျော်ဖို့က Self Raising Flour ၄ဆကို ဆန်မှုန့်၁ဆနဲ့ ရောမွှေပါတယ်။ ဆားနည်းနည်းထည့်ပါတယ်။
ရေသင့်ရုံထည့်ပါတယ်။ မပျစ် မကျဲဖျော်မှ ကြော်က ရွရွလေးဖြစ်ပြီး စားကောင်းမှာပါ။ Smootie ဖြစ်အောင် မွှေပြီးတာနဲ့ စားချင်တဲ့ အသီးအနှံကို ထည့်နှစ်ပြီး ဆီပူပူမှာ ကြော်ရုံပါပဲ၊

အုန်းနို့၂မျိုး ဘယ်လိုသုံး

မနေ့က အုန်းနို့ခေါက်ဆွဲ ချက်စားဖြစ်တယ်။ သွေးတိုးရှိသူများ ဆက်မဖတ်ရင် ပိုကောင်းမယ်ထင်တယ်။ စားစရာတွေက အစပ်အဟပ် တည့်လွန်းလို့ တော်ကြာ လိုက်ရိုက်ခံနေရမှာစိုးလို့ပါ။

အုန်းနို့ခေါက်ဆွဲကို အိမ်မှာနေတုန်းက သိပ်မစားဖြစ်ဘူး။ အဝေးရောက်နေလို့ စားချင်တာတွေထဲမှာ ရောညှပ်ပါသွားရှာတယ်။ ပထမအကြိမ် လက်တည့်စမ်းတုန်းက ကုလားပဲကို ပြုတ်ပြီး လုပ်စားတာ အဆင်မပြေပါဘူး။ ဒီတခါတော့ ၃၊၄ ယောက်ရဲ့နည်းတွေကို ရောသမမွှေ ပလိုက်တယ်။

အရင်ဆုံး ကုလားဆိုင်က ၀ယ်လာတဲ့ ကြက်တစ်ကောင်ကို အတုံးသေးသေး ဖြစ်သလို ဓါးနဲ့ ခုတ်ပါတယ်။ ကြက်သားကို ဟင်းရည်ထဲမှာ ဘယ်သူမှ အတုံးညီမညီ လိုက်မကြည့်ဘူး ထင်ပါတယ်။ ပျင်းတာကိုတော့ လူမသိစေနဲ့ပေါ့။ (အရိုးမပါပဲ စားချင်ရင်တော့ ၀ယ်ကတည်းက အကောင်လိုက်ဝယ်ပြီး အိမ်ရောက်မှ ကိုယ့်ဟာကိုယ် အသားထွင်ပါ။ အသားတုံး သေးသေးလေးတွေ တုံးပါ။) ကြက်သွန်ဖြူ တစ်လုံး၊ နီ ၃လုံးလောက်ကို ညက်အောင်ထောင်းပြီး ဆီသတ်ပါ။ ပြီးရင် စောစောက ကြက်သားကို ငံပြာရည်ထည့်လုံးပါ။ ၅မိနစ်လောက် လုံးပြီးရင် အုန်းနို့ ၂ဗူးလောက်( ခေါင်းမကိုက်မယ့် အနေလောက်)ထည့်ပြီး ခဏ မွှေပေးပါအုန်း။ အချိုအငန် သင့်ရုံထည့်ပါ။ သကြား ဇွန်းသေးတစ်ဇွန်းထည့်ပါ။ တဖက်က ရေနွေးတည်ထားတဲ့အိုးထဲကို Gram Flour ပဲမှုန့်ရေအေးနဲ့ ဖျော်ပြီး မွှေပေးပါ။ ပဲမှုန့်သိပ်များသွားရင် တိုဟူးနွေးဖြစ်သွားတတ်ပါတယ်။ ဒါကြောင့် ရေကျဲကျဲနဲ့သာ ဖျော်ပါ။ ရေနွေးအိုးက ပဲရောင်ပေါက်သွားပြီဆိုရင် ခုနကလုံးထားတဲ့ ကြက်သားအုန်းနို့ထည့်ပါ။ ၁၅မိနစ်ခန့် မီးအေးအေးနဲ့ ပွက်ခိုင်းပြီးရင် အုန်းနို့ခေါက်ဆွဲစားလို့ရပါပြီ။ အတိုင်းအဆက မှန်းထည့်ပါတယ်။ ၁မိနစ်ကို ၁၀ခါထက် မနည်း မြည်းပါတယ်။ :P

အုန်းနို့ကျောက်ကျောက agar agar အထုတ်သေး(ကုလားဆိုင်မှာ ရတတ်ပါတယ်။ ၁.၄၉ပေါင် ရှိပါတယ်။ တထုတ်ကို ရေနွေးဆူဆူမှာ ထည့်ကျိုပါ။ သကြားလိုသလောက်ထည့်ပါ။ မြန်မာပြည်ကအနေဆိုရင် တော်တော်တော့ ထည့်ရပါတယ်။ ပြီးရင် အုန်းနို့တစ်ဗူးလောက်ထည့်ပါ။ ဗန်းထဲထည့်ပြီး အအေးခံပါ။ အတိုင်းမမေးပါနဲ့။ စိတ်ကူးပေါက်သလို ထည့်ပါတယ်။ အဆင်ပြေတဲ့အခါလည်း ပြေသွားပါတယ်။ မပြေတဲ့အခါလည်း ကျွေးမိတဲ့လူမှန်သမျှရဲ့ အပြောကို ခံရရုံမှတပါး......... အုန်းနို့နှစ်မျိုးကို ဒီမှာတင်ပဲ ရပ်နားလိုက်ပါတယ်။

ကြာဇံဟင်းခါး

မရေးတာကြာတဲ့ ဘလောက်လေးကို အစားနဲ့ ဖွင့်ပွဲ ပြန်လုပ်လိုက်ပါတယ်။
မနက်နိုးလာလာချင်း ဒီနေ့ ငါဘာလုပ်စရာရှိလဲ အရင်မတွေးပဲ ဘာစားရင်ကောင်းမလဲပြီး လျှောက်မွှေကြည့်တော့ ကြာဇံဝယ်ထားတာလေး ရယ် မှိုခြောက်ပန်းခြောက်ကလေးရယ် ပဲပြားခြောက်ရယ်တွေ့တာနဲ့ ကြက်သားသွားဝယ်ပြီး ကြာဇံဟင်းခါးချက်စားဖို့ ပြင်လိုက်ပါတယ်။





လန်ဒန်က ဗမာများအတွက်တော့ ကြာဇံဟင်းခါးဟာ လူမပင်ပန်းစေတဲ့ မြန်မာအစားအစာတစ်မျိုးဖြစ်ပါတယ်။ ပါဝင်တဲ့ပစ္စည်းလည်း နည်းပြီး ချက်ရတာလည်း လွယ်လို့ပါ။

ကဲ အရင်ဆုံး ကြက်တစ်ကောင်ကို ချင်း၊ကြက်သွန်ဖြူ အပြားလိုက်ရိုက်ပြီး ထည့်ပြုတ်လိုက်မယ်။ဆား၊ အချိုမှုန့်ကတော့ နည်းနည်းစီပေါ့။

ပြီးရင် တဖက်က
မှိုခြောက် နည်းနည်းနဲ့ (တရုတ်ဆိုင်တွေမှာ အလွယ်တကူဝယ်လို့ရပါတယ်)
ပဲပြားခြောက်ကို ဇလုံတခုထဲမှာ ရေနွေးပူပူနဲ့ စိမ်ထားပါတယ်။
ကြက်သွန်နီ၊ချင်း၊ကြက်သွန်ဖြူ နည်းနည်းစီကို စက်နဲ့မွှေထားပါတယ်။

ကြက်သားနူးလောက်ရင် ဆယ်ထားပြီး အေးတဲ့အခါ အသားတွေ နွှင်ထားပါတယ်။ အရိုးကို ကြက်ပြုတ်ရည်ထဲ ပြန်ထည့်ပါတယ်။
မွှေထားတဲ့ ကြက်သွန်ဖြူ၊နီ၊ ဂျင်းတွေကို ဆီသတ်ပြီး နနွင်း၊ အရောင်တင်ထည့်ပါတယ်။ ဆီပြန်ပြီး မွှေးလာရင် နွှင်ထားတဲ့ ကြက်သားတွေ ထည့်မွှေပါတယ်။ တခါထဲ ဆား၊အချိုမှုန့်၊ယိုးဒယားငံပြာရည်ထည့်ပါတယ်။

မွှေးလာရင် ကြက်ပြုတ်ရည်ထဲကို လုံထားတဲ့ ကြက်သားတွေ ထည့်ပါတယ်။ ပြီးရင်တော့ ရေစိမ်ထားတဲ့ ပဲပြား၊ မှိုခြောက်နဲ့ ပဲကြာဆံထည့်မွှေပေးလိုက်တော့ ကြာဇံဟင်းခါးပူပူလေး ခပ်သောက်လို့ရပါပြီ။ အပေါ့အငန်တော့ လိုသလောက်ထည့်ပေါ့။
အဲ ပုံထဲမှာတော့ ငါးဖယ်တဗူးတွေ့လို့ကြော်ပြီး ပါးပါလှီးထည့်ထားသေးတယ်။